सेप्टेम्बरमा सुश्री सम्पत्ति

-- नेपाली टाईम्स अष्ट्रेलिया / प्रकाशित मिति : सोमवार, भदौ ४, २०७५

सेप्टेम्बर ७ का दिनदेखि प्रदर्शन हुने सञ्चारकर्मी सुव्रत राज आचार्यद्वारा निर्देशित फिल्म ‘सुश्री सम्पत्ति’ को पहिलो रोमान्टिक गीत सार्वजनिक भएको छ । ‘हुकुम बक्सियोस्…’ शीर्षकको उक्त गीतमा मेलिना राई तथा विशाल राईको स्वर छ भने सुरेश अधिकारीको शब्द र संगीत । गीतमा भने अभिनेताद्वय बिनोद न्यौपाने तथा सलोन बस्नेतसंगै अभिनेत्री सारा शिर्पाइलीले अभिनय तथा नृत्य गरेका छन् । गीतको भिडियोमा उनीहरुलाई रोयल लूक्समा प्रस्तुत गरिएको छ । कमेडी जनराको उक्त फिल्ममा बिनोद, सलोन र सारासहित प्रमोद अग्रहरी, राजाराम पौडेल, विशारद बस्नेत, सुनिता श्रेष्ठ ठकुरी आदि कलाकारले अभिनय गरेका छन् । रमेश त्वायना यो फिल्मका प्रस्तुतकर्ता हुन् ।