काठमाडौं— एसएलसी दिएर बसेका किशोरीहरुको प्रतिभा प्रस्फुटित गर्ने उद्देश्यका साथ ट्रिक मिडियाले इन्साइट मिडियाको सहकार्यमा ‘मिस एसएससी कन्टेष्ट—२०१६’ शीर्षकको सुन्दरी प्रतियोगिताको आयोजना गर्ने घोषणा गरेको छ । क्वान्टिटीभन्दा क्वालिटीलाई जोड दिने ट्रिक मिडियाले यसअघि पनि मिस युथ नेपालको आयोजना गरेको थियो ।
जेठको तेश्रो हप्तामा फाइनल तय गरिएको यो प्रतियोगितामा प्रतियोगीहरुलाई विभिन्न विषयमा उत्कृष्ट तालिम दिनुका साथै नेपालका विशिष्ट व्यक्तिहरुसंग भेटघाट गराउने तयारी रहेको आयोजक तथा ट्रिक मिडियाका अध्यक्ष नहकुल खड्काले बताएका छन् । एसएलसी दिएर बसेका १३ वर्ष देखि १८ वर्षसम्मका युवतीहरुले सहभागी हुन पाउने यो प्रतियोगितामा सहभागी हुन चाहने किशोरीहरुले मोवाइलको म्यासेज बक्समा गइ Miss र आफ्नो नाम टाइप गरी ४२४३ मा एसएमएस तथा अनलाइनबाट पनि नाम रजिष्टर गर्न सकिने छ । सहभागीहरुको लागि वैशाख ४ लाई पहिलो अडिसनको मिति तोकिएको छ भने सहभागीहरुको माग बढेमा वैशाख ११ गते पनि अडिसन लिने अर्का आयोजक तथा क्रियटिभ इन्साइट मिडियाका अध्यक्ष सूर्य चन्दले बताएका छन् ।

प्रतिकृया दिनुहोस

सम्बन्धित समाचार