Dhurmus_Suntalai

काठमाडौं— ‘सामाजिक भावनाका सहयोगी हातहरुमा हाम्रा हातहरु संगै छन्’ भन्ने नाराका साथ बबरमहलस्थित नेपाल मेगा कलेजका स्नातक तहमा अध्ययनरत विद्यार्थीहरुले धुर्मुस–सुन्तली फाउण्डेशनलाई सहयोग रकम हस्तान्तरण गरेका छन् । मेगा कलेका विद्यार्थीहरुले खाजा खर्चबाट जोगाएको ५५ हजार रुपैयाँ यो परोपकारी फाउण्डेशनलाई हस्तान्तरण गरेका हुन् ।

कार्यक्रममा फाउण्डेसनका हास्य कलाकार सिताराम कट्टेल ‘धुर्मुस’ उपस्थित थिए । समारोहलाई सम्बोधन गर्दै कलाकार कट्टेलले धुर्मुस–सुन्तली फाउण्डेशनको स्थापना, यसले लिएको लक्ष्य तथा उदेश्यका बारेमा प्रकाश पारेका थिए । समारोहमा उनले आफ्नो संघर्षपूर्ण विगतका अनुभवहरु स्मरण गर्दै विद्यार्थीहरुलाई आत्मबल बढाएर आफ्नो कला प्रस्तुत गर्न सुझाव दिए । कट्टेलले भूकम्पपछिको पुनर्निर्माणमा जोड दिँदै सक्नेले धन, नसक्ने तन र मन दिएर पनि सहयोह गर्न सकिने बताए । समारोहमा कट्टेलले पुनर्निर्माणका लागि धुर्मुस–सुन्तली फाउण्डेशनमा ४ करोड रुपैयाँ संकलन भैसकेको बताए ।

प्रतिकृया दिनुहोस

सम्बन्धित समाचार