नेपालमा एसएलसीको परिणाम प्रकाशित भएपछि यतिबेला लाखौं किशोरा–किशोरीहरु कलेज भर्ना हुने क्रममा छन् । यसपटक ग्रेडिङ प्रणालीबाट एसएलसीको नतिजा प्रकाशित भएकाले करिव चार लाख विद्यार्थीहरु कलेजको अध्ययन प्रारम्भ गर्दैछन् । कलेजको पहिलो दिन हरेकका जीवनमा अविष्मरणीय रहने गर्दछ । सेलिब्रेटीहरुको जीवनमा पनि कलेजको पहिलो दिनले उत्तिकै महत्व राख्छ । यही अवसर पारेर द नेपाली टाइम्स अष्ट्ेरलियाका नेपाल प्रतिनिधि कृष्ण भट्टराईले केही सेलिब्रेटीहरुलाई उनीहरुको कलेजको पहिलो दिन कस्तो रहेको थियो भन्ने विषयमा जिज्ञासा राखेका छन् । उनीहरुको जवाफ जस्ताको तस्तै :

celiberty

सुशान्त कार्की, अभिनेता

कलेजको पहिले दिन म असाध्यै उत्साहित थिएँ । आफूलाई मन परेको पहिरन लगाएर कलेज पुग्दा नयाँ–नयाँ साथीहरु कस्ता बन्ने हुन् भन्ने कौतुलहताले पनि सताएको थियो ।

कैलाश अर्याल, सेफ

कलेजको पहिलो दिन नै आफूले पढ्नु पर्ने विषयहरुको पाठ्यक्रम हात पर्‍यो । त्यो हात परेपछि त स्कूलमा भन्दा कलेजमा बढी पढ्नुपर्ने रहेछ भन्ने लागेर मनै खल्लो भयो

युवराज चौलागाईं, गायक

पहिलो दिन कलेजको गेटबाट भित्र छिर्दा अब स्वतन्त्र भइयो भन्ने अनुभव गरें । त्यो बेला त मलाई  जिन्दगी अब मेरो आफ्नै हातमा छ भन्ने पनि लागेको थियो ।

नीता ढुंगाना, नायिका

नयाँ वातावरण, नयाँ साथीहरू अनि जिन्दगीको नयाँ ढोका खोलेर अझै अघि बढ्न उत्साहित थिएँ ।

कला सुब्बा, कोरियोग्राफर

कलेजको पहिलो दिन म एकदमै नर्भस थिएँ । धरानबाट एकैचोटि काठमाडौंको पिपुल्स क्याम्पस ज्वाइन गर्दा पहिलो दिन चलचित्रमा देखाइएझैं केही होला कि भन्ने डर लागिरह्यो । चलचित्रमा जसरी कुनै हिरो टाइपको केटासँग ठोक्किएला कि भन्ने लागिरह्यो ।

सुपी थापा, मोडल

कलेजको पहिलो दिन मेरो यूनिफर्म नै तयार भएको थिएन त्यसैले आफूलाई मनपर्ने पहिरनमा कलेज गएँ । स्कूलमा मेकअप र ड्ेरसअप गर्न नपाइने भएकाले मैले आफूलाई सकेसम्म राम्री बनाउने प्रयास गरेकी थिएँ ।

नम्रता सापकोटा, नायिका

कलेजको पहिलो दिन म असाध्य एक्साइटेड थिएँ । नयाँ साथीहरू बनाउने उग्र चाहना थियो । टिनएजर युवतीको फिलिङ्स नै बेग्लै हुने भैहाल्यो । जीवनको नयाँ यात्रा आरम्भ भएको थियो त्यो बेला ।

प्रतिकृया दिनुहोस

सम्बन्धित समाचार

रहिनन् स्टीभ रायन रहिनन् स्टीभ रायन

/मङ्ल, भदौ २७, २०७४

यामीको चर्चा

/मङ्ल, भदौ २७, २०७४