लोकप्रिय अमेरिकी गायिका लेडी गागा प्राय: चर्चामा आइरहने सेलिब्रेटी हुन् । पछिल्लो समय उनी विवाह गर्ने इच्छा व्यक्त गरेका कारण चर्चामा छिन् । केही समयअघि उनले विवाह गर्न मन लागेको अभिव्यक्ति दिँदा नै यो प्रसंगले चर्चाको शिखर चुमेको थियो । अहिले आएर गागाले आफ्नो विवाह हुने सम्भावित ठाउँका बारेमा समेत धारणा व्यक्त गरेकी छिन् । गागा चाहान्छिन् उनको विवाह कुनै गाउँमा होस् । गागाले मोडल टेलर किन्नीसंग इटलीमा विवाह गर्ने योजना बनाइरहेको बताइन्छ । इटालियन रीतिरिवाज तथा परम्पराअनुसार विवाह गर्ने योजना त गागाले यसअघि नै सार्वजनिक गरिसकेकी थिइन् । गागा र टेलर लामो समयदेखि प्रेममा छन् । अहिले आएर गागाले आफ्नो वैवाहिक समारोहलाई अत्यन्त गोप्य राख्न इटलीको कुनै गाउँमा विवाह हुने बताएकी हुन् ।

प्रतिकृया दिनुहोस

सम्बन्धित समाचार