काठमाडौं– पहिलो तथा दोस्रो चरणमा सम्पन्न भएका प्रतिनिधि सभा तथा प्रदेश सभाको प्रारम्भिक मत गणनाको ताजा अपडेटहरु प्रकाशित हुन थालेका छन् । देशभरीका प्रारम्भिक नतिजा अनुसार बाम गठबन्धनले लिड गरिरहेको छ ।
पछिल्लो विवरण अनुसार एमाले तथा एमाओवादीको बाम गठबन्धनले प्रतिनिधि सभा अन्तर्गत ४ सिटमा विजय हासिल गरिसकेका छन् भने २९ स्थानमा अग्रता लिएका छन् । प्रदेश सभा तर्फ ड सिटमा विजयी हासिल गरिसकेका छन् ३७ स्थानमा अग्रता लिएका छन् ।
यता काठमाडौं जिल्लाका केही निर्वाचन क्षेत्रको मतगणना शुरु भएको छ ।
अहिले काठमाडौंको निर्वाचन क्षेत्र नम्बर १, ४, ५ र ६ को मतगणना शुरु भएको छ ।
१० वटा निर्वाचन क्षेत्र रहेको काठमाडौंको मतगणना तीन स्थानमा गरिनेछ ।
राष्ट्रिय सभागृह भृकुटीमण्डप, अन्तर्राष्ट्रिय सम्मेलन केन्द्र र सहकारी विकास विभाग नयाँबानेश्वर तथा वन परिसर बबरमहलमा मतगणना गरिने मुख्य निर्वाचन आधिकृत रमेशराज पोखरेलले जानकारी दिएका छन् ।
पोखरेलका अनुसार निर्वाचन क्षेत्र नं १, २, ३ र ४ को राष्ट्रिय सभागृहमा मतगणना हुनेछ ।
त्यसैगरी, निर्वाचन क्षेत्र नं ५ र ७ को सहकारी विकास विभागको तालीम केन्द्र नयाँ बानेश्वरमा मतगणना हुनेछ भने क्षेत्र नं ९ र १० को अन्तर्राष्ट्रिय सम्मेलन केन्द्रमा मतगणना हुने पोखरेलले बताए ।

प्रतिकृया दिनुहोस

सम्बन्धित समाचार

समानुपातिकको मतगणना जारी

/बिहि, मंसिर २८, २०७४