काठमाडौं– सुनसरी क्षेत्र नम्बर ३ मा नेपाली कांग्रेसका विजयकुमार गच्छदारसँग पराजित एमाले उम्मेदवार भगवती चौधरीले पुनःमतगणनाको माग गर्दै सर्वोच्च अदालतमा मुद्दा दायर गरेकी छन् ।
वाम गठबन्धनको तर्फबाट प्रतिनिधिसभामा उम्मेदवारी दिएकी चौधरी नेपाली कांग्रेसका गच्छदारसँग ३२१ मतान्तरले पराजित भएकी थिइन् ।
निर्वाचित भएका विजयकुमार गच्छदारले निर्वाचन आचारसंहिता विपरीत लतपत्तिएको र बदर मत समेत रुख चिन्ह्मा गणना गर्न लगाएको हुँदा पुनः मतगणना गर्नुपर्ने माग चौधरीले गरेकी छन् ।
मतगणनाको १९ औं लटमा नौ वटा अर्धकट्टीसहितको मतपत्र पाइएको तर निर्वाचन अधिकृतले सिरियल नम्बर हेर्न समेत नदिएको मुद्दामा उल्लेख गरिएको छ ।
त्यस्तै, पाँच वटा मतदान केन्द्रका रुख चिह्नमा स्वस्तिक छाप फरक रहेको मतपत्र भेटिएको र त्यसलाई पनि सदर गरिएको तथा सूर्य चिह्नमा लागेको स्वस्तिक छापको घेरा स्पष्ट रहँदा रहँदै बदरमा गणना गरिएको मुद्दामा उल्लेख छ ।
सुनसरी–३ बाट गच्छदार ३८,९७२ मत प्राप्त गरी निर्वाचित भएका छन् भने चौधरीले ३८,६५१ मत प्राप्त गरेकी छन् ।

प्रतिकृया दिनुहोस

सम्बन्धित समाचार

दीपम मनाङे पक्राउ

/शुक्र, बैशाख ७, २०७५