काठमाडौं– राष्ट्रपति विद्यादेवी भण्डारीले डा. युवराज खतिवडा, रामनारायण विडारी तथा डा. विमला राई पौड्याललाई राष्ट्रिय सभा सदस्यमा मनोनित गरेकी छन् । संविधानको धारा ८६ को उपधारा ९२० को खण्ड ख बमोजिम नेपाल सरकारले सिफारिश गरेका तीनै जनालाई मनोनित गरिएको राष्ट्रपति कार्यालयले जनाएको छ । मंगलबार बसेको मन्त्रिपरिषद्को बैठकले खतिवडा, विडारी र पौड्याललाई राष्ट्रिय सभा सदस्यको लागि सिफारिश गरेको थियो ।

यसअघि शेरबहादुर देउवा नेतृत्वको सरकारले गोपाल बस्नेत, कृष्णप्रसाद पौडेल र चाँदनी जोशीलाई राष्ट्रिय सभा सदस्यमा मनोनयन गर्न सिफारिश गरेको थियो । देउवा सरकारको उक्त सिफारिश राष्ट्रपति कार्यालयले स्वीकृत गरेको थिएन ।

प्रतिकृया दिनुहोस

सम्बन्धित समाचार

दीपम मनाङे पक्राउ

/शुक्र, बैशाख ७, २०७५