एसएसपी खत्रीद्वारा आत्मसमर्पण

-- नेपाली टाईम्स अष्ट्रेलिया / प्रकाशित मिति : बिहिबार, जेष्ठ १७, २०७५

विराटनगर–३३ किलो सुन तस्करी प्रकरणमा मुछिएर फरार रहेका निलम्बित प्रहरी वरिष्ठ उपरीक्षक (एसएसपी) श्याम खत्रीले आत्मसमर्पण गरेका छन् । खत्रीले आज बिहान मोरङ जिल्ला अदालतमा आत्मसमर्पण गरेका हुन् ।
जिल्ला अदालतले खत्रीको बयान लिइरहेको छ । यसअघि फरार रहेका खत्रीको खोजीका लागि नेपाल प्रहरीले अन्तर्राष्ट्रिय प्रहरी संगठन (इन्टरपोल) मा डिफ्यूजन नोटिस जारी गरेको थियो ।