ईन्दिरा जोशीले मन्दिरमै विहे गरेपछि…(भिडियोसहित)

-- नेपाली टाईम्स अष्ट्रेलिया / प्रकाशित मिति : बुधबार, जेष्ठ २३, २०७५

काठमाडौं– गायिका ईन्दिरा जोशीले एक जना अग्ला कदका युवकसंग मन्दिरमै विवाह गरेकी छिन् । ईन्दिरा जोशीले गायक आर्जन पाण्डेलाई मन्दिरमै वरमाला पहिराइदिएकी हुन् ।
झुक्किनु भयो, नझुक्किनुस् । गायिका ईन्दिरजा जोशीले आफ्नै नयाँ यूगल गीत ‘रेलीमाइ…’ को म्युजिक भिडयोमा गायक आर्जनसंग विवाह गरेको दृष्यमा अभिनय गरेकी हुन् ।
हाइलाइट्स रेकर्ड्सको यूट्युब च्यानलबाट प्रिमियर गरिएको उक्त गीतमा गायिका जोशीले युवा गायक आर्जन पाण्डेसंग यूगल गायन गरेकी छिन् । उक्त गीतमा प्रतिक पौडेलको शब्द तथा संगीत सुन्न सकिन्छ । रिकेश गुरुङ उक्त गीतका संगीत संयोजक हुन् ।
नृत्यपरक उक्त गीतको म्युजिक गायिका जोशी तथा गायक पाण्डेले आकर्षक अभिनयका साथै उत्कृष्ट नृत्य समेत गरेका छन् । भिडियोमा उनीहरुले प्रेमदेखि विवाहसम्म गरेका दृष्यहरुलाई आकर्षक शैलीमा चित्रण गरिएको छ ।
हरि हुमागाईंद्वारा छायांकन गरिएको उक्त भिडियोलाई प्रविण सिंहले निर्देशन गरेका हुन् । निशान घिमिरेले उक्त म्युजिक भिडियो सम्पादन गरेका हुन् । भिडियोमा अभिनय गर्ने कलाकारहरुलाई श्याम लामा तथा सुमन लामाले सिंगार्ने काम गरेका छन् ।

यस्तो छ ईन्दिर र आर्जनको रेलिमाईको भिडियो