नेपाल प्रहरीमा पाँच एआईजी

-- नेपाली टाईम्स अष्ट्रेलिया / प्रकाशित मिति : शुक्रबार, जेष्ठ २५, २०७५

काठमाडौ– प्रदेश प्रमुखको रुपमा डिआईजीलाई खटाउने निर्णय भएँसंगै नेपाल प्रहरीमा ५ जना मात्रै एआईजीको दरवन्दी निर्धारण हुने भएको छ ।
गृह मन्त्रालयले जनाए अनुसार गृह मन्त्री रामबहादुर थापाले ५ जना मात्रै एआईजी राख्ने निर्णयमा हस्ताक्षर गरी प्रहरी प्रधान कार्यालयलाई पठाइसकेका छन् ।
मन्त्रालयले तयार पारेको मस्यौदालाई मन्त्रिपरिषदको आगामी बैठकले अनुमोदन गरेपछि नेपाल प्रहरीमा बढुवाको प्रकृया अगाडि बढ्ने छ । यस अघि नेपाल प्रहरी भित्र १६ जना एआईजीको दरवन्दी कायम गरी बढुवा गरिएको थियो ।
गृह मन्त्रालयका अनुसार नेपाल प्रहरीको संरचनालाई चुस्त र दुरुस्त बनाउन अनावश्यक पद खारेज गरी संगठनलाई मजबुत बनाउन ५ जना एआईजी राख्ने निर्णय भएको हो ।