मोदी र हसिना काठमाडौंमा

-- नेपाली टाईम्स अष्ट्रेलिया / प्रकाशित मिति : बिहिबार, भदौ १४, २०७५

काठमाडौं– आज बिहिबारदेखि काठमाडौंमा प्रारम्भ हुने बहुपक्षीय प्राविधिक तथा आर्थिक सहायताका लागि बंगालको खाडीका देशहरुको प्रयास (बिमस्टेक) को चौथो शिखर सम्मेलनमा सहभागी हुन भारतीय प्रधानमन्त्री नरेन्द्र मोदी र बंगलादेशकी प्रधानमन्त्री शेख हसिना काठमाडौं आइपुगेका छन् ।
मोदी एयर इन्डियाको विमानमार्फत त्रिभुवन अन्तर्राष्ट्रिय विमानस्थलमा अवतरण गरेका हुन् । विमानस्थलमा मोदीलाई रक्षा मन्त्री ईश्वर पोखरेल, परराष्ट्र मन्त्रालयका अधिकारीलगायतले स्वागत गरेका थिए । मोदीलाई नेपाली सेनाको एक टोलीले सम्मान गारत अर्पण गरेको थियो । मोदी विमानस्थलबाट सोझै सम्मेलन स्थल होटल सोल्टी गएका छन्।
मोदी आएलगत्तै बंगलादेशकी प्रधानमन्त्री शेख हसिना पनि काठमाडौं अवतरण गरेकी छन् । हसिना बिम्स्टेकमा भाग लिन आउने राष्ट्रप्रमुखमा हसिना एकमात्र महिला हुन्। हसिना विशेष विमानबाट बिहीबार बिहान ९ः१५ बजे त्रिभुवन अन्तर्राष्ट्रिय विमानस्थल आइपुगेकी हुन्। उनलाई पनि उपप्रधान तथा रक्षामन्त्री ईश्वर पोखरेल, परराष्ट्र मन्त्रालयका वरिष्ठ अधिकारी र नेपाल सरकारका वरिष्ठ अधिकारीले स्वागत गरेका छन्। उनी पनि सिधै सोल्टी होटलतर्फ जानेछिन् ।