दोस्रो सत्रमा बिमस्टेक सम्मेलन

-- नेपाली टाईम्स अष्ट्रेलिया / प्रकाशित मिति : शुक्रबार, भदौ १५, २०७५

काठमाडौं– हिजो बिहिबारदेखि काठमडौंमा प्रारम्भ भएको चौथो प्राविधिक तथा आर्थिक सहयोगका लागि बंगालको खाडीको प्रयास बिमस्टेक शिखर सम्मेलनको दोस्रो तथा अन्तिम दिन आज दोस्रो सत्र प्रारम्भ भएको छ । आज संस्थाले गरेका कामबारे प्रगति विवरण पेश गर्ने तथा संयुक्त घोषणापत्र जारी गरेपछि समापन हुने छ ।

सम्मलेनको दोस्रो सत्र केहीबेर अघि प्रारम्भ भइसकेको छ । अबको केही बेरमा घोषणापत्र तथा विभिन्न सहमतिमा हस्ताक्षर गर्ने कार्यक्रम छ । दोस्रो सत्रको प्रारम्भ बिमस्टेकको १६ औं मन्त्रिस्तरीय बैठकको निर्णयसम्बन्धी रिर्पोट परराष्ट्रमन्त्री प्रदीपकुमार ज्ञवालीले प्रस्तुत गरेका छन् ।
त्यस्तै बिमस्टेकका महासचिव शाहिदुल इस्लामले प्रगति प्रतिवेदन प्रस्तुत गरेका छन् ।
महासचिवको प्रतिवेदनपछि बिमस्टेक सम्झौतापत्रमा हस्ताक्षर हुनेछ । सम्मेलनको अन्त्यमा चौथो शिखर सम्मेलनको घोषणापत्र ग्रहण कार्यक्रम राखिएको छ ।
तालिका अनुसार मध्यान्ह १२ बजे काठमाडौं घोषणा पत्र जारी गर्दै चौथो बिमस्टेक सम्मेलन समापन हुनेछ । मध्याह्न सवा १२ बजे प्रधानमन्त्री केपी शर्मा ओलीले मन्तव्य राखेर सम्मेलन समापनको घोषणा गर्ने कार्यक्रम छ । त्यसअघि नेपालले बिमस्टेको अध्यक्षता श्रीलंकालाई हस्तान्तरण गर्नेछ ।