दसैंका लागि शुक्रवारदेखि अग्रिम टिकट बुकिङ खुल्दै

-- नेपाली टाईम्स अष्ट्रेलिया / प्रकाशित मिति : आइतवार, भदौ ३१, २०७५

काठमाडौं– दसैं आउन तीन सातामात्र बाँकि रहेको अवसर पारेर सरकार र यातायात व्यवसायी संघले अग्रिम टिकट बुकिङ खुला गर्ने सहमति गरेका छन् । आइतबार भएको छलफलमा सरकारले यातायात व्यवसायीसंग केही विषयमा सहमति गर्दै अग्रिम बुकिङ खुला गराउने वातावरण बनाएको छ । यसका साथै व्यवसायीले यही शुक्रवार अर्थात सेप्टेम्बर २१ का दिनदेखि अग्रिम टिकट बुकिङ प्रारम्भ गर्ने छन् ।
दसैं मनाउनका लागि काठमाडौं उपत्यकाबाट हरेक वर्ष झण्डै २५ लाख व्यक्ति बाहिरिने भएकाले घर जाने टिकट पाउन समस्या हुँदै आएका छ। त्यसैलाई मध्इनजर गर्दै सरकारले यो वर्ष पनि यातायात व्यवसायी समितिसंग वार्ता गर्दै काठमाडौं उपत्यकाबाट अन्यत्र जाने यात्रुका लागि शुक्रवारदेखि अग्रिम टिकट बुकिङ खुला गराउने निर्णइ गरेको हो ।
उक्त सहमति यातायात व्यवसाय यातायात व्यवस्था विभागका महानिर्देशक लावण्य ढकालको अध्यक्षतामा बसेको बैठकले गरेको हो ।