काठमाडौं— राष्ट्रपति विद्यादेवी भण्डारीले पठाएको अधिवेशन अन्त्यको पत्र सभामुखले बुधवार पढेर सुनाएपछि रुपान्तरित व्यवस्थापिका संसदको पहिलो अधिवेशन सकिएको छ । संवैधानिक व्यवस्था अनुसार सरकारले संसदको अधिवेशन अन्त्यका लागि आग्रह गरे अनुसार राष्ट्रपतिले अधिवेशन अन्त्यको पत्र पठाएपछि अधिवेश सकिएको हो ।
गत असोज १५ गते संविधानसभाबाट व्यवस्थापिका संसदमा रुपान्तरण भएको संसदको यो अधिवेशनले नयाँ संविधान कार्यान्वयनका लागि संविधानको पहिलो संशोधन गरेको थियो । संसदको यही अधिवेशनले राष्ट्रपति, उपराष्ट्रपति, प्रधानमन्त्री, सभामुख तथा उपसभामुख चयन गरेको हो ।
संसदको अर्को अधिवेशन सरकारको आग्रहमा राष्ट्रपतिले आह्वान गरेपछि मात्र प्रारम्भ हुनेछ ।