दुई दिने भ्रमण पुरा गरी फर्किए चिनियाँ राष्ट्रपति

-- नेपाली टाईम्स अष्ट्रेलिया / प्रकाशित मिति : आइतवार, अशोज २६, २०७६

काठमाडौं- २३ वर्षपछि नेपाल आएका चिनियाँ राष्ट्रपति सी चिनफिङ दुई दिने भ्रमण सकेर आइतबार अपरान्ह स्वदेश फर्किएका छन् । उनको विमानस्थलमा भव्य विदाइ गरिएको छ ।

सोल्टी होटेलमा उच्चस्तरीय भेटवार्ता र समझदारी पत्रका हस्ताक्षर कार्यकम सकिएपछि सी सिधै २ बजे विमानस्थल पुगेका हुन्। सीलाई राष्ट्रपति विद्यादेवी भण्डारी तथा प्रधानमन्‍त्री केपी शर्मा ओलीलगायतका विशिष्ट व्यक्तित्वहरुले विदाइ गरे ।

त्यसक्रममा नेपाली कला र संस्कृति झल्किने झाँकीहरु प्रदर्शन गरिएको छ। शनिबार अपरान्ह पौनै पाँच बजे विशेष विमानमा काठमाडौं ओर्लिएका सीले १९ घन्टा व्यस्त तालिकाबीच नै बिताए।