बुद्ध नेपालमा जन्मेको विषयमा कुनै शंका छैन : भारतीय विदेश मन्त्रालय

-- नेपाली टाईम्स अष्ट्रेलिया / प्रकाशित मिति : सोमवार, साउन २६, २०७७

काठमाडौं – भारतीय विदेश मन्त्रालयले आइतबार एक विज्ञप्ति जारी गर्दै गौतम बुद्ध नेपालमा जन्मिएकामा कुनै शंका नरहेको प्रस्ट पारेको छ ।

मन्त्रालयका प्रवक्ता अनुराग श्रीवास्तवले जारी गरेको विज्ञप्तिमा भनिएको छ, ‘बुद्ध लुम्बिनीमा जन्मिएका हुन् भन्नेमा कुनै शंका छैन, जुन नेपालमा पर्छ ।’ उनले यस विषयमा थप स्पष्ट पार्दै विदेशमन्त्री जयशंकरले बौद्ध धर्मका सम्पदा नेपाल र भारत दुवै देशको साझा भएको बताउन खोजेको उल्लेख गरेका छन् ।

शनिबार भारतका विदेशमन्त्री डा. एस जयशंकरले बुद्धलाई महान् भारतीय बताएका थिए । उनको त्यो अभिव्यक्तिको नेपालमा विरोध भएसँगै भारतीय विदेश मन्त्रालयले विज्ञप्ति जारी गरेर बुद्धबारे प्रस्ट धारणा सार्वजनिक गरेको हो ।

नेपालको परराष्ट्र मन्त्रालयले पनि गौतम बुद्ध नेपालमा जन्मिएका हुन् भन्दै आइतबार विज्ञप्ति जारी गरिसकेको छ । विज्ञप्तिमा बुद्धको जन्म ऐतिहासिक र पुराताŒिवक प्रमाणका आधारमा स्थापित भएको बताइएको छ ।