Madan Bhandari

काठमाडौं— प्रधानमन्त्री केपी शर्मा ओलीले २३ औं मदन–आश्रित स्मृति दिवसका अवसरमा आज जेठ ३ गते सोमबार मदननगर बल्खुस्थित नेकपा एमालेको पुरानो कार्यालयमा रहेको सालिकमा माल्यार्पण गर्नु भएको छ । वि सं २०५० जेठ ३ गते चितवनको दासढुङ्गामा भएको सवारी दुर्घटनामा एमालेका तत्कालीन महासचिव मदनकुमार भण्डारी तथा संगठन विभाग प्रमुख जीवराज आश्रितको निधन भएको थियो । उहाँहरुको निधनको दिनलाई एमालेले देशभर विभिन्न कार्यक्रमसहित स्मरण गर्दै आएको छ ।
माल्यार्पण गरेपछि एमालेका अध्यक्षसमेत रहनुभएका प्रधानमन्त्री ओलीले भण्डारीको जनताको बहुदलीय जनवाद दूरदृष्टिपूर्ण सिद्धान्त भएको र अहिले पनि नेपाली कम्युनिस्ट आन्दोलनका लागि सामयिक रहेको मुलुकको समृद्धिका लागि त्यसलाई पछ्याउँदै आफूहरु अघि बढेको बताउनुभयो । कार्यक्रममा उपप्रधानमन्त्री तथा रक्षामन्त्री भीम रावल, पार्टीका उपाध्यक्ष वामदेव गौतमलगायतले मदन–आश्रितप्रति श्रद्धाञ्जलि दिनुभएको थियो ।

प्रतिकृया दिनुहोस

सम्बन्धित समाचार