Bus Accident

लमजुङ— लमजुङको मध्यनेपाल नगरपालिका–५ स्थित तारेभीरमा बिहिबार साँझ भएको बस दुर्घटनामा मृत्यु हुनेको संख्या ११ पुगेको छ । ९ जनाको घटनास्थलमा र दुई जनाको पोखरास्थित मणिपाल शिक्षण अस्पतालमा उपचारका क्रममा मृत्यु भएको हो ।
तनहुँको सदरमुकाम दमौलीबाट लमजुङको दुईपिप्ले, सोतिपसल हुँदै जिताकोट जाँदै गरेको ना ६ ख ४१३६ नम्बरको बस भीरबाट झण्डै ३ सय मिटर तल खसेको थियो ।
सहचालकले चलाएका कारण दुर्घटना भएको घाईते यात्रुले प्रहरीलाई बताएका छन् । सवारीका चालक सुरज बिकलाई नियन्त्रणमा लिएर प्रहरी चौकी सोतिपसलमा राखिएको छ भने सवारी चलाउने सहचालक सुन्दरबजार नपा १३ का सन्तोष बसौलालाई उपचारका लागि पोखरा लगिएको छ । घटनामा मृत्यु हुने र घाईते हुने सबै मध्यनेपाल नगरपालिकाको वडा नम्बर १ का हुन् । मृत्यु हुनेहरुमा ४० वर्षिया रमा गुरुङ, ६० वर्षीय रामकृष्ण गुरुङ , ८० वर्षिया चिनमाया गुरुङ, ३५ वर्षीय राजिव गुरुङ, ४५ वर्षीय शेरबहादुर थापा, ३० वर्षीय गणेश गुरुङ, ४५ वर्षिया मिना कुमारी गुरुङ, १८ वर्षीया सविना खवास, ४५ वर्षीया नारायण थापा, १६ वर्षिय सागर थापा तथा ३ महिनाकी जया खवास छन् ।

प्रतिकृया दिनुहोस

सम्बन्धित समाचार

समानुपातिकको मतगणना जारी

/बिहि, मंसिर २८, २०७४