Maoist_Leader

काठमाडौं— नेकपा माओवादी केन्द्रले महाधिवेशन आयोजक समिति हाल सम्मकै ठूलो बनाएको छ । पार्टी केन्द्रीय कार्यालय पेरिसडाँडामा आज बिहिवार बसेको पोलिटब्युरो बैठकले एक हजार ९९ सदस्यीय महाधिवेशन आयोजक समिति बनाएको हो । बैठकले ९ सय ९९ जना मनोनयन गरेको छ भने बाँकी रहेका एक सय जना भने आगामी दिनमा थपिने माओवादी केन्द्रले जनाएको छ । पार्टी एकता प्रक्रियामा नेत्रविक्रम चन्दले नेतृत्व गरेको नेकपा माओवादी र नयाँ शक्ति अभियानको ठूलो हिस्सा समावेश हुने भन्दै महाधिवेशन आयोजक समितिमा थप एक सय सदस्य खाली राखिएको माओवादीले जनाएको छ । बैठकले ८५ सदस्यीय स्थायी समिति बनाएको छ भने २ सय ५५ सदस्यीय पोलिटब्युरो बनाइएको प्रवक्ता पम्फा भुसालले जानकारी दिएकी छिन् । गत १९ जेठमा बसेको केन्द्रीय कार्यालयको बैठकले स्थायी समिति ७५ सदस्यीय बनाउने निर्णय गरेको थियो ।
प्रवक्ता भुसालका अनुसार यो समिति महाधिवेशनसम्मका लागि हो । महाधिवेशनमा अध्यक्षदेखि सबै सदस्य निर्वाचित हुनु पर्ने भएकाले हाल ठूलो अथवा सानो हुनुले केही प्रभाव नपार्ने प्रवक्ता भुसालको भनाइ छ । बैठकमा केही नेताले भने महाधिवेशन आयोजक समिति ठँलो बनाउन नहुने धारणा राखेका थिए । बैठकले देशव्यापी रुपमा प्रशिक्षण कार्यक्रम चलाउने र पार्टीको एकता प्रक्रियालाई जनस्तरसम्म पुर्‍याउने निर्णयसमेत गरेको छ ।

प्रतिकृया दिनुहोस

सम्बन्धित समाचार

सिमरामा बम विष्फोट

/सोम, मंसिर ४, २०७४