Koirala in hospital

काठमाडौं— नेपाली कांग्रेसका महामन्त्री शशांक कोइरालाको स्वास्थ्यमा सुधार देखिएको अस्पतालले जनाएको छ । अस्पताल स्रोतको अनुसार कोइरालाले मान्छे चिन्न थालेका छन् । स्वास्थ्यमा सुधार देखिएपछि औषधिको मात्रा समेत घटाइएको छ । यद्धपि उनको स्वास्थ अवस्था खतरामुक्त भने अझै भइनसकेको उपचारमा संलग्न चिकित्सकहरुले बताएका छन् । दुई दिनअघि अस्पताल भर्ना भएका कोइरालालाई ‘एस्पिरेसन न्युमोनिया’ ले गर्दा सेप्टिक शक (संक्रमण शरीरभर फैलने) र मल्टी अर्गान डिस्फङ्सन (धेरै अंगहरुमा समस्या) भएको छ ।
यसबीच उनको हिजो दिउँसो होस खुलेको छ । उनलाई अझै केही समय अब्जरभेसनमा राखिने र त्यसपछि मात्र स्वास्थ्य अवस्थाबारे भन्न सकिने डाक्टरले बताएका छन् ।
कोइरालाको चावहिलस्थित ओम अस्पताल उपचार भइरहेको छ ।

प्रतिकृया दिनुहोस

सम्बन्धित समाचार