Koirala

काठमाडौं— नेपाली कांग्रेसका महामन्त्री डा.शशांक कोइरालाको स्वास्थ्यमा क्रमिक तथा प्रभावकारी सुधार आएको छ । शुक्रवार दिउँसो उनले जूस समेत पिएका छन् । ओम अस्पतालले जनाए अनुसार कोइरालाको स्वास्थ्य अवस्था सामान्य बन्दै गएकाले झोलिलो खानेकुरा दिन थालिएको हो । उपचारमा संलग्न चिकित्सकले उनको पछिल्लो स्वास्थ्य जाँचका प्रतिवेदन सामान्यतर्फ उन्मुख रहेको जानकारी दिएका छन् ।
तीन दिनअघि एक्कासि स्वास्थ्य बिग्रिएपछि कोइरालालाई भेन्टिलेटरमा राखेर उपचार गरिएको थियो भने स्वास्थ्यमा सुधार देखिएसंगै हिजो बिहिबारदेखि भेन्टिलेटरबाट सघन उपचार कक्ष (आइसियु) मा राखिएको छ । महामन्त्री कोइरालाको स्वास्थ्य अवस्थाबारे जानकारी दिँदै डा.लव जोशीले कोइरालालाई कुनै संक्रमण नहोस् भनेर भेटघाटमा सर्तकता अपनाएको जानकारी दिएका छन् । श्वासप्रश्वासमा केही समस्या देखिएपछि डा.कोइरालालाई तीन दिनअघि ओम अस्पतालमा भर्ना गरिएको हो । बिहिबार बिहान वान्ता भएर त्यो सर्किएर फोक्सोमा पुगेपछि कोइरालाको स्वास्थ्य अवस्था गम्भीर बनेको थियो ।

प्रतिकृया दिनुहोस

सम्बन्धित समाचार