Pm Kp Oli

काठमाडौं— प्रधानमन्त्री केपी शर्मा ओलीले संविधान कार्यान्वयनका लागि एकताबद्ध भएर अगाडि बढ्नुपर्ने बेलामा ‘रहस्यपूर्ण ढङ्गले अस्वस्थ घटनाक्रम सुरु गरिएकाले’ यसले मुलुकमा राजनीतिक अस्थिरता वृद्धि गर्ने बताउनु भएको छ ।

नेपाल कम्युनिस्ट पार्टीका संस्थापक महासचिव पुष्पलालको ३८ औं स्मृति दिवसका सन्दर्भमा दिनुभएको सन्देशमा पछिल्ला केही दिनयताका घटनाबाट सिंगो मुलुक र लोकतन्त्रका पक्षधर नागरिक चिन्तित र गम्भीर भएको र यसले नागरिकको आधारभूत हितमा आाच पु‍र्‍याउने चिन्ता व्यक्त गर्नु भएको हो ।
प्रधानमन्त्री ओलीले यस्ता घटनाले अन्तत: मुलुकलाई नै पछाडि धकेल्ने जोखिम उत्पन्न गर्ने बताउँदै संकीर्ण दलीय अथया व्यक्तिगत स्वार्थप्रेरित कदमले राष्ट्रलाई दूरगामी नकारात्मक असर पु‍र्‍याउन सक्ने यथार्थप्रति गम्भीर हुनु पर्ने कुरामा जोड दिनु भयो ।

संविधानको प्रभावकारी कार्यान्वयनका माध्यमबाट लोकतान्त्रिक गणतन्त्र, सामाजिक न्यायसहितको लोकतन्त्र, समावेशी र सङ्घीय शासन प्रणाली जस्ता उपलब्धिलाई सुदृढ गर्नु र सुखी नागरिक र समृद्ध राष्ट्र निर्माणको लक्ष्य हाासिल गर्नु यतिबेलाको सबैभन्दा महत्वपूर्ण र साझा राष्ट्रिय दायित्व हो भन्दै प्रधानमन्त्री ओलीले राष्ट्रिय स्वाभिमान, स्वतन्त्र आत्मनिर्णयको अधिकार र नेपालको सार्वभौम हैसियतलाई अझ प्रभावकारी ढंगले अगाडि बढाउनुपर्ने आवश्यकतामा जोड दिनुभएको छ ।

प्रतिकृया दिनुहोस

सम्बन्धित समाचार