प्रधानमन्त्री केपी शर्मा अोली र भारतीय राष्ट्रपति प्रणव मुखर्जीवीच शिष्टाचार भेटवार्ता भएको छ।

भारतको राजकीय भ्रमणमा रहेका प्रधानमन्त्री ओलीले शनिवार साँझ भारतीय राष्ट्रपति प्रणव मुखर्जीसँग राष्ट्रपति भवनमै शिष्टाचार भेट गरेका हुन्।

भेटमा भारतीय राष्ट्रपति मुखर्जीले भारत भ्रमण गरेकोमा र अाफ्नो निवासमा अातिथ्यता ग्रहण गरेकोमा स्वागत एवम् अाभार व्यक्त गरेका थिए।

त्यस अवसरमा प्रधानमन्त्री ओलीले उनको न्यानो आतिथ्यताका लागि धन्यवाद दिँदै नेपाल भ्रमणको निम्तो दिएका थिए। भेटमा प्रधानमन्त्रीका धर्मपत्नी राधिका शाक्य, उपप्रधानममन्त्री तथा परराष्ट्रमन्त्री कमल थापा, अर्थमन्त्री विष्णुप्रसाद पौडेल, गृहमन्त्री शक्तिबहादुर बस्नेत, प्रधानमन्त्रीका मुख्य राजनीतिक सल्लाहकार विष्णुप्रसाद रिमाल, परराष्ट्र मन्त्रालयका सचिव शङ्करदास वैरागी तथा नेपालका लागि भारतीय राजदूत रणजित रायलगायत सहभागी थिए।

यसैगरी, प्रधानमन्त्री ओलीले आजै उपराष्ट्रपति हमिद अन्सारीसँग ६ मौलाना आजाद सडकस्थित उनकै निवासमा शिष्टाचार भेट गरेका छन्। रासस

प्रतिकृया दिनुहोस

सम्बन्धित समाचार

सिमरामा बम विष्फोट

/सोम, मंसिर ४, २०७४