Nidhi and Mahara

काठमाडौं— सरकारले उपप्रधानमन्त्रीद्वय विमलेन्द्र निधि तथा कृष्णबहादुर महरालाई क्रमश: भारत र चीन पठाउने निर्णय गरेको छ । सरकारले उपप्रधानमन्त्रीद्वय विमलेन्द्र निधि तथा कृष्णबहादुर महरालाई क्रमश: भारत र चीन पठाउने निर्णय गरेको हो ।
बिहिबार बसेको मन्त्रिपरिषद बैठकले उपप्रधान एवम् गृहमन्त्री निधिलाई भारत र उपप्रधान एवम् अर्थमन्त्री महरालाई निकट भविष्यमै चीन पठाउने निर्णय गरेको महराले जानकारी दिनु भएको छ ।
दुई देशबीचका आपसी सम्बन्ध थप सुदृढ बनाउन उपप्रधानमन्त्रीद्वय छिमेकी मुलुक भ्रमणमा जान लागेको उहाँले बताउनु भयो ।
सरकारले निकट भविष्यमै पठाउने भने पनि मिति भने निर्णय भइनसकेको र दुई देशबीच छलफल गरी चााडै उपयुक्त समयमा भ्रमण हुने पनि उहाँले जानकारी दिनु भयो ।
यसका साथै सरकारले कालोबजारी नियन्त्रणका लागि गृह, वाणिज्य र आपूर्ति मन्त्रालयलाई निर्देशन दिएको छ । बैठकले कालोबजारी नियन्त्रणका लागि कानूनमा थप सुधार–संशोधन गर्नुपर्ने भए सोही अनुसारको विधेयक तयार पार्न समेत कानून मन्त्रालयलाई निर्देशन दिएको उपप्रधानमन्त्री महराले जानकारी दिनु भएको छ ।

प्रतिकृया दिनुहोस

सम्बन्धित समाचार