Paras Khadka

काठमाडौं-आईसिसि वल्र्ड क्रिकेट लिग च्याम्पियनसीपको अंक तालिकाको शीर्षस्थानमा रहेको नेदरल्याण्डलाई नेपालले १९ रनले पराजित गरेको छ । नेदरल्याण्ड्समा भएको खेलमा जीतसँगै नेपालको ८ खेलबाट ६ अंक भएको छ । नेपालले दिएको २१८ रनको चुनौति पछ्याएको नेदरल्याण्ड १९८ रनमा अलआउट भएको थियो । २१७ रन जोड्ने क्रममा टीम नेपालका कप्तान पारस खड्काले ८४ रन जोडेका थिए । खड्का, सोमपाल कामी र बसन्त रेग्मीले समान दुई दुई विकेट झारेका थिए ।

त्यसअघिको खेलमा भने नेपाल नेदरल्याण्डसँग पराजित भएको थियो । टस हारेर पहिले ब्याटिङ गरेको नेपालले निर्धारित ५० ओभरमा ९ विकेट गुमाएर २१७ रन बनायो । ६५ रन बनाउँदा तीन विकेट गुमाइसकेकोमा कप्तान खड्का र सागर पुनले ११८ रनको साझेदारी गरी स्कोर उकासेका थिए । पुनले ४५ रन बनाएको खेलमा उपकप्तान ज्ञानेन्द्र मल्ले ३९ रन बनाए ।

यो जीतसंगै नेपालले अघिल्लो चरणमा प्रवेश गर्ने सम्भावना कायमै राखेको छ ।

प्रतिकृया दिनुहोस

सम्बन्धित समाचार

सिमरामा बम विष्फोट

/सोम, मंसिर ४, २०७४