Congress Leaders

काठमाडौं— पुष्पकमल दाहाल नेतृत्वको सरकारमा नेपाली कांग्रेसबाट अहिलेसम्म कसैले पनि सहभागिता नजाइरहेको अवस्थामा प्रभावशाली नेता शेरबहादुर देउवा पक्षधर नेताहरुको नाम टुंगो लागेको स्रोतले दावी गरेको छ । स्रोतका अनुसार देउवा पक्षबाट मन्त्री बन्नेहरुमा अर्जुन नरसिंह केसी, डा. प्रकाशशरण महत, बालकृष्ण खाण तथा जीवनबहादुर शाहीको नाम टुंगो लागेको हो ।
नेपाली कांग्रेस निकट स्रोतले जनाए अनुसार अर्जुन नरसिंह केसीले शहरी विकास, बालकृष्ण खाँणले रक्षा, जीवनबहादुर शाहीले पर्यटन मन्त्रालयको जिम्मेवारी सम्हाल्ने सम्भावना छ । डा.प्रकाशशरण महतले परराष्ट्र मन्त्रालयको दावी गरेको बताइन्छ ।
पौडेल पक्षले डा. शेखर कोइरालाको नाम सिफारिश गरेमा उनी परराष्ट्रमन्त्री बन्ने सम्भावना पनि छ । कोइरालाले परराष्ट्र नपाउने हो भने मन्त्री नबन्ने घुर्की लाउँदै आएको बताइन्छ । कोइराला परराष्ट्रमन्त्री नभएमा महतले उक्त मन्त्रालय पाउने देउवा निकट स्रोतले बताएको छ ।
यसैबीच अर्जुननरसिंह मन्त्री हुने पक्का भएपछि उनका ज्वाईं तथा कांग्रेसका युवा नेता गगन थापा भने मन्त्री नहुने निश्चित भएको छ । थापाको नाम कृष्ण सिटौलाको भागबाट परेको हो तर अब उनको ठाँउमा भीमसेनदास प्रधान मन्त्री हुने सम्भावना छ ।

प्रतिकृया दिनुहोस

सम्बन्धित समाचार