काठमाडौं— नेपाली कांग्रेसका कार्यवाहक सभापति रामचन्द्र पौडेलले पार्टी सभापति पदमा उम्मेदवारी घोषणा गरेका छन् । पार्टी मुख्यालय सानेपामा आयोजित कार्यक्रममा पौडेलको समूहबाट महामन्त्री पदमा डा. शशांक कोइरालाले उम्मेदवारी दिने घोषणा गरिएको छ । घोषणा कार्यक्रममा कोषाध्यक्ष तथा केन्द्रीय सदस्यहरुको नाम भने घोषणा गरिएको छैन ।
यसअघि कृष्णप्रसाद सिटौलाले पनि सभापति पदमा उम्मेदवारी घोषणा गरिसकेका छन् । उनको समूहमा महामन्त्रीमा गगन थापा र कोषाध्यक्षमा उमाकान्त चौधरीको नाम घोषणा गरिएको छ ।
उता सुजाता कोइरालाले पनि आफ्नै निवासमा पत्रकार सम्मेलनको आयोजना गरी सभापति पदमा उम्मेदवारीको घोषणा गरेकी छन् । देउवापक्षले आफ्नो समूहको औपचारिक घोषणा नगरे पनि उनको पक्षबाट महामन्त्रीमा अर्जुननरसिंह केसी र कोषाध्यक्षमा चित्रलेखा यादवले उम्मेदवारी दिने करिव–करिव निश्चित भएको छ ।

प्रतिकृया दिनुहोस

सम्बन्धित समाचार

तीन दलबीच यस्तो सहमति

/बिहि, भदौ १, २०७४