काठमाडौं- गृहमन्त्री विमलेन्द्र निधीले पदबाट राजीनामा दिनुभएको छ । प्रधानन्यायाधीश सुशीला कार्कीमाथी महाअभियोग प्रस्ताव लगाउने कंग्रेस र माओबादीको प्रस्तावमा असन्तुष्टि जनाउँदै गृहमन्त्री निधीले पदबाट राजीनामा दिनुभएको हो ।
गृहमन्त्री निधीले आईजीपी प्रकरण गृहमन्त्रालसँग जोडिएको र सोही प्रकरणमा कार्कीलाई महाअभियोग प्रस्ताव गरिएको भन्दै असन्तुष्ट निधीले प्रधानमन्त्री पुष्पकमल दाहालसमक्ष राजीनामा दिएको बताउनुभएको छ । उहाँले भन्नुभयो, ‘न्यायपालिकाले आफ्नो निर्णय गर्न पाउनुपर्छ, सरकारले पनि, तर प्रधानन्यायाधीशमाथी महाअभियोग प्रस्ताव गर्ने निर्णयमा मेरो गम्भिर असहमति छ ।’
महाअभियोग लगाउने प्रस्तावमा आफुसँग कुनै सल्लाह नगरिएको निधीको भनाई छ । आफुले पदबाट राजीनामा दिएपनि स्थानीय निर्वाचन निर्धारित मितिमै हुने उहाँले बताउनुभयो । नवराज सिलवाललाई प्रहरी आईजीपी नियुक्ती गर्ने आफ्नो तयारीमा पार्टी सभापति शेरबहादुर देउवासँग मत बाँझिएपछि निधीले लगत्तै राजीनामा दिने तयारी गर्नुभएको थियो । उपप्रधानमन्त्रीको वरियतामा समेत आफुलाई तल पारिएको भन्दै निधीले सभापति देउवासँग असन्तुष्टि जनाउँदै आउनुभएको थियो ।

प्रतिकृया दिनुहोस

सम्बन्धित समाचार

घट्ने भयो आर्थिक वृद्धिदर

/मङ्ल, बैशाख ४, २०७५