काठमाडौं– नेपालले चीनको ‘वान बेल्ट वान रोड’ अवधारणामा आज शुक्रवार हस्ताक्षर गरेको छ । शुक्रवार बिहान परराष्ट्र मन्त्रालयमा आयोजित कार्यक्रममा परराष्ट्रमन्त्री डा प्रकाशशरण महतको उपस्थितिमा नेपालका तर्फबाट परराष्ट्र सचिव शङ्करदास वैरागी र चीनका तर्फबाट नेपालका लागि चिनियाँ राजदूत यु होङ्ले अवधारणाको समझदारीपत्रमा हस्ताक्षर गरेका हुन् ।

हस्ताक्षरपछि मन्त्री महतले नेपालमा विदेशी लगानी र व्यापार प्रवर्द्धनका क्षेत्रमा नयाँ अध्यायको थालनी भएको बताए । ‘यो सम्झौताले नेपाल र चीनलाई सडक सञ्जालले जोड्ने र यसका माध्यमबाट नेपालमा चिनियाँ लगानी भित्रिएर आर्थिक विकासमा महत्वपूर्ण टेवा पुग्ने अपेक्षा गरेको छु,’ मन्त्री महतले भने ।

नेपालमा धेरै ठूलो वैदेशिक लगानीको आवश्यकता रहेको भन्दै उनले दुई देशबीच भएको समझदारीबाट नेपालले लाभ उठाउने विश्वास व्यक्त गरे । नेपालका लागि चिनियाँ राजदूत यु होङले यस आयोजनाबाट चीन–नेपाल सहयोग र विशेषगरी दक्षिणी एशियाली क्षेत्रकै आर्थिक विकासमा सहयोग पुग्ने धारणा राखेका थिए ।

प्रतिकृया दिनुहोस

सम्बन्धित समाचार

घट्ने भयो आर्थिक वृद्धिदर

/मङ्ल, बैशाख ४, २०७५