दक्षिण एसियाली क्षेत्रीय सहयोग सङ्गठन ९सार्क० को ३७औं परराष्ट्र मन्त्रीस्तरीय बैठकअन्तर्गत आज पहिलो दिन कार्यक्रम समितिको बैठकमा यसअघिको कार्यक्रम समितिले गरेका निर्णय कार्यान्वयनका सम्बन्धमा छलफल भएको छ ।

आजको बैठकपछि आयोजित पत्रकार भेटघाट कार्यक्रममा बैठकको अध्यक्षता गरेका परराष्ट्र मन्त्रालयका सहसचिव मणिप्रसाद भट्टराईले यसअघि गरेका निर्णयको कार्यान्वयन र समीक्षालगायतका विषयमा छलफल गरिएको जानकारी दिनुभयो । बैठकका विभिन्न मुद्दामा पहिलो चरणको छलफल भएको जानकारी दिँदै उहाँले निष्कर्षमा पुगिनसकेको र निष्कर्षमा पुगेपछि प्रतिवेदनको मस्यौदा तयार गरिने बताउनुभयो ।

सहसचिव भट्टराईका अनुसार बैठकमा सार्क विश्वविद्यालय, सार्क विकास कोष, सार्क मध्यस्थता परिषद् र सार्क क्षेत्रीय रिजनल स्टान्डर्स अर्गनाइजेसनबाट आ–आफ्ना संस्थाबाट भए गरेका प्रगति छलफल भएको थियो ।
भोलि दोस्रो दिनको कार्यक्रम समितिको कैठकमा सार्कको कार्यसम्पादन पात्रोका सम्बन्धमा छलफल गरी प्रतिवेदनलाई अन्तिम रुप दिने उहाँले जानकारी गराउनुभयो । बैठकको उद्घाटन समारोहमा सार्कका महासचिव अर्जुनबहादुर थापाले सार्क राष्ट्रका सदस्यहरुले आपसी सम्बन्ध सुदृढ गर्न र अनुभवको आदानप्रदान गर्न बैठक महत्वपूर्ण हुने बताउनुभयो ।

बैठकमा कार्यक्रम समिति अन्तर्गत ८ राष्ट्रका परराष्ट्र मन्त्रालयका सहसचिव लगायतको सहभागिता थियो । पहिलो दुई दिन चैत १ र २ मा कार्यक्रम समितिको बैठक, ३ चैतमा स्थायी समिति बैठक र अन्तिम दिन ४ चैतमा परराष्ट्र मन्त्रीस्तरीय बैठक सञ्चालन हुने परराष्ट्र मन्त्रालयका नायव शिष्टाचार महापाल राजाराम बर्तौलाले जानकारी दिनुभयो ।

कार्यक्रमअन्तर्गत सार्क मन्त्रीपरिषद् बैठकको प्रधानमन्त्री केपी शर्मा ओलीले चैत ४ गते परराष्ट्र मन्त्रीस्तरीय बैठकको उद्घाटन गर्नुहुने कार्यक्रम छ । काठमाडौँमा सम्मन्न १८ औं शिखर सम्मेलनपछि नेपालले सार्कको अध्यक्षता गर्दै आएको छ । रासस

प्रतिकृया दिनुहोस

सम्बन्धित समाचार

समानुपातिकको मतगणना जारी

/बिहि, मंसिर २८, २०७४