विस्तार भयो मन्त्रिपरिषद्

-- नेपाली टाइम्स अस्ट्रेलिया / प्रकाशित मिति : बुधबार, साउन ११, २०७४

काठमाडौं– प्रधानमन्त्री शेरबहादुर देउवाले आज बुधवार मन्त्रिपरिषद् विस्तार गरेका छन् । नवनियुक्त १९ मन्त्रीहरुको शपथ आजै राष्ट्रपति भवनमा भएको छ । नेपाली कांग्रेसबाट यज्ञबहादुर थापाले कानुन, वीरबहादुर बलायरले भौतिक पूर्वाधार तथा योजना, मोहन बस्नेतले सुचना तथा सञ्चार, सञ्जय गौतमले सिंचाई, मीन विश्वकर्माले वाणिज्य र अम्बिका बस्नेतले गरिबी निवारण र सहकारी मन्त्रालय सम्हाल्ने भएका छन् । भीमसेनदास प्रधानले रक्षा, रामकृण्ण यादवले कृषि, राजन केसीले युवा तथा खेलकुद र महेन्द्र यादवले खानेपानी तथा सरसफाई मन्त्रालय सम्हाल्ने भएका छन् ।
माओवादी केन्द्रले स्वास्थ्य मन्त्रालयमा गिरिराजमणि पोखरेल र ऊर्जा मन्त्रालयमा महेन्द्रबहादुर शाहीलाई पठाएको छ। अन्य मन्त्री हुनेमा शिवकुमार मण्डल, आशा कोइराला, टेकबहादुर बस्नेत र शान्तबहादुर चौधरी छन् ।

यस्तो छ मन्त्रालयको जिम्मेवारी
गिरिराजमणि पोखरेल – स्वास्थ्य
जितेन्द्र देव – संस्कृति तथा पर्यटन
गोपाल दहित – भूमिसुधार
रामकृष्ण यादव – कृषि विकास
मोहन बस्नेत – सूचना तथा सञ्चार
महेन्द्र यादव – खानेपानी तथा सरसफाई
वीरबहादुर बलायर – भौतिक पूर्वाधार तथा यातायात
मीन विश्वकर्मा – वाणिज्य
अम्बिका बस्नेत – सहकारी तथा गरिबी निवारण
भीमसेनदास प्रधान – रक्षा
राजन केसी – युवा तथा खेलकुद
यज्ञबहादुर थापा – कानुन
सञ्जयकुमार गौतम – सिंचाई
टेकबहादुर बस्नेत – सामान्य प्रशासन
शिवकुमार मण्डल – आपूर्ति
महेन्द्रबहादुर शाही – ऊर्जा
आशा कोइराला – महिला तथा बालबालिका
वसन्तकुमार थारु – पशुपंक्षी विकास
मिथिला चौधरी – वातावरण

तस्बिर सौजन्य : ईकान्तिपुर