काठमाडौं- तीज गीतको लहर चलिरहेको बेला गायिका रेश्मा बम्जनले लोक सेलो गीत स्रोता तथा दर्शकमाझ प्रस्तुत गरेकी छिन् । संगीतकार प्रकाश गुरुङ तथा चण्डिप्रसाद काफ्लेकी चेली गायिका बम्जन आफ्नै स्वरको ‘डम्फू र सेलो…’ शीर्षकको गीतको म्युजिक भिडियोमार्फत आएकी हुन् ।
आफ्नो गीति एल्बम ‘प्रथमा’ को अन्तिम तयारीमा रहेकी गायिका बम्जनले सोही एल्बमको शीर्षक गीतको म्युजिक भिडियो यूट्युबको सङ्सनेपाल च्यानलबाट सार्वजनिक गरेकी हुन् । सार्वजनिक भएको केही दिनमै भिडियो झन्डै डेढ लाख पटक हेरिएको छ ।
फूलकुमार बम्जनका शब्द तथा संगीतको उक्त गीतलाई फनिन्द्र राईले संगीत संयोजन गरेका हुन् ।

काठमाडौं वरपरका रमणीय लोकेशनमा छायांकन गरिएको म्युजिक भिडियोको निर्देशन सोनाम पाख्रिनले गरेका हुन् । भिडियोमा रोशन लामा तथा रोहिणीले अभिनय गरेका छन् । अमृत सुनुवारद्वारा छायांकन गरिएको उक्त भिडियोको सम्पादन निशान घिमिरेले गरेका हुन् ।
गायिका बम्जनले आफ्नो डेब्यू एल्बम प्रथमामा छ वटा गीत समावेश गर्ने बताएकी छिन् ।

यस्तो छ डम्फू र सेलोको म्युजिक भिडियो

प्रतिकृया दिनुहोस

सम्बन्धित समाचार