काठमाडौंबाटै ८८ किलो सुन बरामद

-- नेपाली टाइम्स अस्ट्रेलिया / प्रकाशित मिति : सोमवार, भदौ १९, २०७४

काठमाडौं– महानगरीय अपराध महाशाखाको टोलीले काठमाडौंको क्षेत्रपाटीबाट ८८ किलोग्राम सुन बरामद गरेको छ । महानगरीय प्रहरी आयुक्त जयबहादुर चन्दका अनुसार १८ भदौ राती २ बजे महानगरीय अपराध महाशाखाको टोलीले ८८ किलोग्राम सुनसहित बा। १७ च। ६४२७ नम्बरको टाटा सफारी र चालकलाई नियन्त्रणमा लिएको हो ।
बरामद गरिएको सुन चिनियाँ नागरिकको भएको प्रहरीले जनाएको छ ।
गाडीमा लुकाइराखेको अवस्थामा सुन बरामद गरिएको छ । प्रहरीका अनुसार गाडी चालक मकवानपुरका मनोज अधिकारी हुन । चालक मनोज, बरादम गरिएको ८८ किलोग्राम सुन र गाडीलाई टेकुमा राखिएको एआईजी चन्दले जानकारी दिए ।
केही दिन अघि प्रहरीले १५ किलोग्राम सुन बरादम गरेको थियो । त्यस्तै गतवर्ष त्रिभूवन अन्तर्राष्ट्रिय विमानस्थलबाटै २२ किलोग्राम सुन बरामद गरिएको थियो ।