काठमाडौं– नेपाल निर्माण व्यवसायी महासंघका अध्यक्ष शरदकुमार गौचनको हत्यामा संलग्न पाँच जना पक्राउ परेका छन् । हत्यामा संलग्न नुवाकोटका राजिव तामाङ, भारत विहारका मुकेशकुमार पाण्डे, पर्साका शिवजी महतो र सन्तोष गुरुङ र काठमाडौंका प्रकाश बुढाथोकी रहेको प्रहरीले जनाएको छ ।
हत्यामा संलग्न सुटर र अन्य सहयोगीहरु पक्राउ परेपनि मुख्य योजनाकार भने फरार छन् ।
प्रहरीकाअनुसार गौचनको हत्यामा गुण्डानाइके समिरमान सिंह बस्नेत र मनोज पुनको संलग्नता छ । विभिन्न अपराधिक घटनामा संलग्न भएको अभियोग लागेका बस्नेतले देश बाहिरबाटै हत्याको योजना बनाएका थिए । एक महिनादेखि गौचनको निगरानी गरेर हत्या गरेको प्रहरीले जनाएको छ । हत्यामा प्रयोग भएको मोटरसाइकल भारतबाट चोरिएको र नेपाली नम्बर प्लेट राखेर प्रयोग गरिएको थियो ।
हत्यामा संलग्न समिरमान र मनोजसँगै लोप्साङ, बोका भन्ने गंगा लिङ्देन लिम्बु, श्यामबहादुर गुम्बे, काले दाई भन्ने अम्बरबहादुर राना, रोशन बुढाथोकी र अजय थापा फरार छन् ।
शरदकुमार गौचनको २३ असोज दिउँसो ३ बजे काठमाडौंको शान्तिनगरमा गोली हानी हत्या गरिएको थियो ।

प्रतिकृया दिनुहोस

सम्बन्धित समाचार

सिमरामा बम विष्फोट

/सोम, मंसिर ४, २०७४