सिमिकोट– हुम्लाको सिमिकोट विमानस्थलमा मंगलबार तारा एयरको विमान दुर्घटना भएको छ । आज बिहान नाइन एन–एबिएम कलसाइनको ट्वीनअटर विमान धावनमार्गमा दुर्घटना भएको हो । हुम्लाबाट सुर्खेतका लागि उड्ने तयारीमा रहेको विमानमा चालक दलका तीन सदस्य र १३ यात्रुसहित १६ जना सवार रहेका थिए ।
दुर्घटनामा मानवीय क्षति नभएको हुम्लाका प्रमुख जिल्ला अधिकारी लक्ष्मीप्रसाद बास्कोटाले जानकारी दिएका छन् दुर्घटनामा चालक दलका तीन सदस्यसहित १६ जना घाइते भएका छन् । उनीहरुको जिल्ला अस्पताल हुम्लामा उपचार भइरहेको छ ।
हुम्ला विमानस्थलबाट सुर्खेत उड्नको लागि रनवेमा कुदिरहेको जहाजको पाङ्ग्रा पञ्चर भएर रनवेको दक्षिणी भेगमा पुगेको बताइन्ट । जहाजको नोज कुच्चिएको छ ।
विमानमा सवार दुई प्रहरीसहित क्याप्टेन बसन्त लामा, को(पाइलट अनुप गुरुङ र एयरहोस्टेस श्रेया श्रेष्ठ घाइते भएका हुन् । उनीहरुको टाउकोमा चोट लागेको छ ।
जहाजमा चुनावमा सुरक्षाका लागि गएका १३ जनपद प्रहरी सवार थिए । उनीहरु चुनाव सकिएपछि सुर्खेत ओर्लँदै थिए ।

प्रतिकृया दिनुहोस

सम्बन्धित समाचार

दीपम मनाङे पक्राउ

/शुक्र, बैशाख ७, २०७५