निर्मात्री बन्दै दीपिकाको

-- नेपाली टाईम्स अष्ट्रेलिया ?>

बलिउडका चर्चित नायिकाहरु प्रियंका चोपडा र अनुष्का शर्मा नायिका मात्र नभएर फिल्म प्रोड्युसर पनि भैसकेका छन् । प्रियंका चोपडाले विभिन्न क्षेत्रीय भाषाहरुमा फिल्म निर्माण गरिरहेकी छिन् । त्यस्तै अनुष्का शर्माले एनएच, फिल्लोरी तथा परी जस्ता फिल्म बनाई सकेकी छिन् । यी दुई नायिकाहरु चलचित्र निमात्री भएपछि अब दीपिका पादुकोणले पनि फिल्म निर्माण गर्ने योजना बनाएकी छिन् । दीपिकाले आफ्नो प्रोडक्सन हाउस खोल्नको लागि तयारी पनि थालेकी छिन् । दिपिकाले आफ्नो इच्छा अनुसारका फिल्महरु त्यहि ब्यानरबाट बनाउने छिन् । हालैको एउटा अन्तर्वार्तामा दिपिकाले आफु निमात्री बन्न चाहेको र आफ्नो स्वभाब पनि निर्माता बन्न लायक भएको बताएकी हुन् । सफल अभिनेत्रीको छवि बनाइसकेकी दीपिकाले निर्मात्रीको रुपमा पनि सफलता पाउने सम्भावना छ ।