राष्ट्रकविको उपचार दिल्लीमा हुँदै

-- नेपाली टाईम्स अष्ट्रेलिया ?>

काठमाडौं– राष्ट्रकवि माधवप्रसाद घिमिरेलाई भारतको दिल्लीस्थित मेदान्त अस्पतालमा भर्ना गरिएको छ । अस्वस्थ भएपछि थप उपचारका लागि उहाँलाई हिजो बुधवार मेदान्त अस्पताल लगिएको हो ।
विगत केही हप्तादेखि काठमाडौंको धापासीस्थित ग्राण्डी अन्तर्राष्ट्रिय अस्पतालमा उपचारका लागि भर्ना गरिए पनि आन्तरिक रक्तश्राव नरोकिएपछि उहाँलाई सरकारी खर्चमा दिल्ली लगिएको हो ।
ग्यास्ट्राइटीस र उच्च रक्तचापका कारण थला परेका राष्ट्रकविको दिशामा रगत देखिन थालेपछि उच्च सतर्कता अपनाउँदै अस्पतालमा भर्ना गरिएको पारिवारिक स्रतोले जनाएको छ ।
राष्ट्रकवि बिरामी भएर अस्पताल भर्ना गरिएको खबर सार्वजनिक भएपछि प्रधानमन्त्री केपी ओली अस्पताल पुगेर उपचार बारे जानकारी लिनु भएको थियो । त्यस क्रममा प्रधानमन्त्री ओलीले नेपालमा उपचार सम्भव नभए विदेश लगेर भएपनि उपचार गरिने र त्यसको सबै खर्च सरकारले बेहोर्ने बताउनु भएको थियो ।