गूगलको यस्तो प्रतिस्थापन

-- नेपाली टाईम्स अष्ट्रेलिया ?>

लोकप्रिय सर्च इन्जिन गुगलका इन्जिनियरहरूको एउटा समुहले करिव २ वर्ष यता नयाँ अपरेटिङ सिस्टमका लागि कार्य गरिरहेको तथ्य सार्वजनिक भएको छ । ब्लुमबर्गले आफ्नो एक रिपोर्टमा बताए अनुसार उक्त प्रोजेक्टको नाम फुचसिया हो  । त्यसले आगामी दिनमा हाल प्रचलनमा रहेको गूगलको एन्ड्रोइड अपरेटिङ सिस्टमलाई प्रतिस्थापन गर्नेछ । त्यसले हाल एन्ड्रोइडमा भएका सुरक्षासँग सम्बन्धित सबै कमी–कमजोरीलाई हटाउनेछ र सानो तथा ठूलो सबै स्क्रिन रिजोल्युसनलाई समेत सपोर्ट गर्नेछ । आगामी ३ वर्षभित्रै उक्त नयाँ अपरेटिङ सिस्टम प्रयोगमा आउने अनुमान गरिएको छ । नयाँ अपरेटिङ सिष्टमलाई इनहाउस ग्याजेटदेखि लिएर पिक्सेल फोन तथा स्मार्टफोन सबैमा प्रयोग गर्न सकिनेछ । हाल विश्वभर करिब ८५ प्रतिशत स्मार्टफोनमा एन्ड्रोइड अपरेटिङ सिस्टम प्रयोग गरिएको छ ।