इन्स्टाग्राममा पनि भेरिफाइड

-- नेपाली टाईम्स अष्ट्रेलिया ?>

फेसबुक तथा ट्विटर जस्तै अब इन्स्टाग्राममा पनि ब्लु टिकसहितको भेरिफाइड एकाउन्ट प्रयोग हुने भएको छ । जसबाट प्रयोगकर्ताले इन्स्टाग्राममा रहेका चर्चित व्यक्तिहरू पहिचान गर्न सक्नेछन् । इन्स्टाग्रामले हाल यसका लागि आवश्यक भेरिफिकेसन प्रक्रिया परीक्षण गरिरहेको बताएको छ । कम्पनीले हाल उक्त फिचर अष्ट्रेलियामा परीक्षण गरिरहेको बताएको छ । प्रयोगकर्ताले आफ्ना विभिन्न तथ्यांक उपलब्ध गराएपछि उनीहरूको प्रोफाइल मूल्यांकन गरेर सही भए उक्त एकाउन्टलाई भेरिफाइड स्टाटस दिनेछ । यद्यपि हाल उक्त सुविधा आइओएस प्रयोगकर्तालाई मात्र हुनेछ र केही समय पछि मात्रै  एन्ड्रोइडमा पनि उपलब्ध हुने बताइन्छ ।