काठमाडौं– अमेरिकामा बसोबास गरिरहेका गायक बिन्ती कुमार गुरुङले गायिका अञ्जु पन्तसंग यूगल गायन गरेको एउटा नयाँ नेपाली गीतको म्युजिक भिडियो सार्वजनिक भएको छ । ‘माया त यस्तो…’ शीर्षकको उक्त गीतको म्युजिक भिडियो भरखरै सार्वजनिक भएको हो ।
चलचित्रको पाश्र्व गायनमा अत्यन्त व्यस्त रहेकी गायिका अञ्जु पन्त सुगम संगीतमा आधारित आधुनिक गीतमा पनि उत्तिकै सक्रिय छिन् । यसपटक गायिका पन्तले गायक गुरुङसंग उक्त यूगल गीत गाएकी हुन् । मनोज साङसन राईद्वारा संगीतबद्ध उक्त गीतका शब्दहरु एमडि फिरकले रचना गरेका हुन् । उक्त गीतमा गोपाल रसाइलीको संगीत संयोजन छ ।
यो गीत गायक बिन्ती कुमार गुरुङको भरखरै सार्वजनिक भएको एकल गीति एल्बम ‘बिन्ति’ मा समावेश छ ।
शान थापाद्वारा निर्देशित उक्त गीतको म्युजिक भिडियोमा अनुराग र आशाले अभिनय गरेका छन् । राजीव समरद्वारा कोरियोग्राफी गरिएको उक्त भिडियोलाई प्रकाश गुरुङ ‘कास’ ले छायांकन गरेका छन् । भिडियोलाई सुप्रिम पराजुलीले सम्पादन गरेका छन् भने यसमा विकास ताम्राकारले ड्रोन सञ्चालन गरेका छन् । भिडियोमा अभिनय गर्ने कलाकारहरु कमल मानन्धरद्वारा डिजाइन गरिएका पहिरनमा सजिएका छन् । यो भिडियो हाइलाइट्सनेपालको च्यानलमार्फत अपलोड गरिएको हो ।

यस्तो छ माया त यस्तोको म्युजिक भिडियो