दंग छिन् जाहन्वी

-- नेपाली टाईम्स अष्ट्रेलिया ?>

बलिउड अभिनेत्री जाहन्वी कपुरलाई भाग्यमानी मान्न थालिएको छ । डेब्यू फिल्म ‘धडक’ को सफलतापछि जाहन्वीले पछाडि फर्किएर हेर्नु परेको छैन । उनलाई एकपछि अर्को फिल्महरु पाइरहेकी छिन् । पछिल्लो समय दोस्रो फिल्मको वर्कसपमा व्यस्त भैरहेका बेला उनले अभिनय गर्ने तेस्रो फिल्मको पनि टुंगो लागिसकेको छ । करण जोहरले निर्माण गर्ने नयाँ फिल्ममा जान्हबीले अभिनय गर्ने निश्चित भएको छ । हाल स्क्रिप्टको काम भैरहेको यो फिल्म के–कस्तो विषयमा आधारित हुनेछ भन्ने अहिलेसम्म खुलेको छैन । चाँडै छायांकन प्रारम्भ हुने उक्त फिल्ममा जाहन्वीको जोडी अभिनेता वरुण धवनसँग बाँधिने पक्का भएको छ । आफूभन्दा पुराना र प्रतिभाशाली अभिनेतासँग काम गर्न पाउँदा जाहन्वी निकै खुसी छिन् ।