फुल बडी मेडिकल स्क्यानर

-- नेपाली टाईम्स अष्ट्रेलिया / प्रकाशित मिति : मङ्लबार, पुस १७, २०७५

१० वर्षको कठोर मेहनतपश्चात् विश्वकै पहिलो फुल बडी मेडिकल स्क्यानर तयार भएको छ । उक्त स्क्यानरले एकैपटक शरीरको थ्रीडी इमेज डेभलप गरेर शरीरको गहिराइसम्म पुगी सबै जानकारी लिन सक्छ । यसले हाल प्रचलित पीईटी स्क्यानको तुलनामा ४० गुणा तीव्र गतिमा काम गर्छ, जसका कारण एकदमै कम समय अर्थात २० देखि ३० सेकेन्डमै बिरामीको सबै रिपोर्ट उपलब्ध हुन्छ । अमेरिकाको युनिभर्सिटी अफ क्यालिफोर्निया तथा चीनको सांघाईस्थित मेडिकल प्रोडक्ट निर्माता कम्पनी युनाइटेड इमेजिङ हेल्थकेयर मिलेर उक्त स्क्यानर विकास गरेका हुन् । एक्स्प्लोरर नाम राखिएको उक्त फुल बडी स्क्यानरले तयार गरेको पहिलो इमेज हालै सार्वजनिक भएको छ, जसमा बिरामीको शरीरको पूरै भागलाई थ्री डाइमेन्सनमा देखाइएको छ ।