वर्ष २०१८ मा प्रदर्शन भएका बलिउड तथा हलिउडका फिल्महरु मध्ये आम्दानिको हिसाबले उत्कृष्ट पा“च फिल्महरु यस्ता छन् ।

बलिउड

२.०

निर्देशक : शंकर

कलाकार : रजनीकान्त, अक्षय कुमार, एमी ज्याक्सन, सुधांशु पाण्डे आदि ।

यो साइन्स फिक्सन फिल्मले चर्चा भए जस्तो व्यवसाय गर्न सकेन । यो फिल्मले हालसम्म ७ सय ५० करोड भारु बराबरको व्यवसाय गर्न सफल भएको छ ।

संजू

निर्देशक : राजकुमार हिरानी

कलाकार : रणबीर कपूर, परेश रावल, मनिषा कोइराला, दिया मिर्जा आदि ।

कुनै बेला बलिउडका सुपरस्टार रहिसकेका अभिनेता सञ्जय दत्तको जीवनमा आधारित फिल्म ‘संजू’ वर्ष २०१८ कै सर्वाधिक आम्दानि गर्न सफल फिल्म बनेको छ । उक्त फिल्मले झण्डै साढे ६ सय करोड भारतीय रुपैया (भारु) बराबरको व्यवास गर्न सफल भएको छ ।

पद्यावत

निर्देशक : सञ्जय लीला भन्साली

कलाकार :  रणविर सिंह, दीपिका पादुकोण, शाहिद कपूर आदि ।

ऐतिहासिक विषयवस्तुमा आधारित फिल्म पद्यावत प्रदर्शनअघि विवादमा समेत परेको थियो । बलिउडकै महंगो मानिएको यो फिल्मले पनि ५ सय ८५ करोड भारु बराबरको व्यवसाय गर्न सफल भएको छ ।

रेस–३

निर्देशक : रेमो डि’सूजा

कलाकार : सलमान खान, अनिल कपूर, बबि देओल, ज्याक्लिन फर्नान्डिज आदि ।

यो एक्सन प्रधान फिल्मले सलमान खानका प्रसंसकको मन जिते पनि व्यवसायका हिसाबले औषत रह्यो । यो फिल्मले ३ सय ३ करोड भारु बराबरको व्यवसाय गर्न सफल भयो ।

बागी ३

निर्देशक :अहमद खान

कलाकार : टाइगर श्राफ, दीसा पटानी

यो एक्सन प्रधान फिल्मले राम्रो व्यवसाय गर्न सफल भयो । झण्डै ६० करोड भारु लगानी गरिएको यो फिल्मले २ सय ६० करोड भारु बराबरको व्यवसाय गर्न सफल भयो ।

हलिउड

एभेन्जर्स : इन्फिनिटी वार

निर्देशक : एन्थनी रुसो तथा जो रुसो

कलाकार : रोबर्ट डोनी जुनियर, क्रिस हेमस्वर्थ, मार्क रफ्लो, क्रिस इभान्स, स्कार्टेल जोहन्ससन आदि

२३ अप्रिल २०१८ का दिन प्रदर्शन भएको यो फिल्म वर्षकै सबैभन्दा बढि आम्दानी गर्न सफल फिल्म हो । यो एउटा अमेरिकी सुपरहिरो फिल्म हो, जसमा मार्वल कमिक्सको सुपरहिरो टिम एभेन्जर्समा आधारित छ । यो फिल्मको निर्मँण मार्वल स्टुडियोले गरेको हो, जसलाई वाल्ट डिज्नी स्टुडियोले विश्वव्यापी वितरण गरेको हो । यो फिल्मले २ बिलियन डलर भन्दा बढिको व्यवसाय गर्न सफल भएको छ ।

ब्ल्याक प्यान्थर

निर्देशक : रियान कूगनर

कलाकार : चाडविक बोसम्यान, माइकल बि जोर्डन, लुपिता न्योङ, डानिया गुरिरा, मार्टिन फ्रिम्यान आदि ।

२९ जनवरी २०१८ मा प्रदर्शन भएको फिल्म ‘ब्ल्याक प्यान्थर’ यो वर्ष सर्वाधिक आम्दानी गर्ने फिल्मको सूचीको दोस्रो स्थानमा छ । यो एउटा अमेरिकी सुपरहिरो फिल्म हो, जुन मार्वल कमिक्सको यही नामको चरित्रमा आधारित छ । यो फिल्मले १३ अरब डलर आम्दानि गर्न सफल भएको छ ।

जुरासिक पार्क : फलेन किङ्डम

निर्देशक : जे ए बायोना

कलाकार : फ्राङ्क मार्शल, प्याट्रिक क्रोली, बेलेन एटिन्जा आदि

२२ जुन २०१८ मा प्रदर्शन भएको यो एउटा अमेरिकी साइन्स फिक्सन एड्भेन्चर फिल्म हो । सन् २०१५ मा प्रदर्शन भएको जुरासिक पार्कको यो सिक्वेल फिल्म यही श्रृंखलाको पा“चौं फिल्म हो । यो फिल्मले १३ बिलियन डलर आम्दानी गर्न सफल भएको छ ।

इन्क्रिडिबल्स– २

निर्देशक : ब्रान्ड विर्ड

कलाकार : क्राइग टी नेल्सन, होली हन्टर, सराह भोवेल, हङ्क मिल्नर, समुइल एल ज्याक्सन आदि ।

१५ जुन २०१८ का दिन विश्वव्यापी प्रदर्शन भएको यो अमेरिकन थ्रीडी कम्प्युटर एनिमेटेड सुपरहिरो फिल्म हो । यो फिल्मले १२ बिलियन डलर आम्दानि गर्न सफल भएको छ ।

भेनम

निर्देशक : रुबेन फ्लेस्चर

कलाकार : टम हार्डी, माइकल विलियम, स्कट हेज, रिज अहमद, रेड स्कट आदि

१ अक्टोबर २०१८ मा प्रदर्शन भएको फिल्म ‘भेनम’ यो वर्ष सर्वाधिक आम्दानि गर्ने फिल्मको पा“चौं स्थानमा पर्न सफल भएको छ । यो फिल्मले ८ सय ५४ मिलियन डलर आम्दानि गर्न सफल भएको छ ।