काठमाडौं– त्रिभुवन शिक्षण अस्पतालले नेपाल चिकित्सक संघको रिले अनसनप्रति आपत्ति जनाएको छ ।
अस्पतालका कार्यकारी निर्देशक प्राध्यापक डाक्टर प्रेम कुमार खड्गाले जारी गरेको विज्ञप्तिमा संघले हिजोदेखि शूरु गरेको रिले अनसन प्रति गम्भिर ध्यानाकर्षण भएको उल्लेख छ ।
उहाँले विज्ञप्ति जारी गर्दै अस्पताल परिषरमा हुने अनसन, रिले अनसन, विरोध प्रदर्शन जस्ता कार्यले स्वास्थ्यपोचारमा सुविधा प्रदान गर्न समस्या हुने तर्फ ध्यानाकर्षण गराउनु भएको छ । अस्पतालमा कुनैपनि धर्ना, विरोध, बन्द हड्ताल जस्ता कार्य नगरीदिन पनि उहाँले आग्रह गर्नु भएको छ । चिकित्सकिय नैतिक दायित्व अनुरुप सेवा प्रदान गर्न पनि उहाँले विज्ञप्ति मार्फत आग्रह गर्नु भएको छ । यसैबीच अनसनरत डा। गोविन्द केसीको जीवन रक्षाका लागि पहल गर्न सरकारलाई दबाब स्वरुप नेपाल चिकित्सक संघमा आवद्ध चिकित्सकले आजदेखि रिले अनसन शुरु गरेका छन् । पहिलो दिन आज डा केसी अनसन बसेकै स्थलमा बिहान १० देखि बेलुका ५ बजेसम्म संघमा आवद्ध चिकित्सकहरु रिले अनसन बसेको संघका वरिष्ठ उपाध्याय ढुण्डीराज पौडेलले जानकारी दिनुभयो ।