विदेशिएका नेपालीलाई सञ्चय कोषमा आबद्ध गराउने योजनाको स्वागत

-- नेपाली टाईम्स अष्ट्रेलिया ?>

काठमाडौं- गैरआवासीय नेपाली सङ्घ (एनआरएनए)ले गैरआवासीय नेपालीलाई पनि सञ्चय कोष र सामाजिक सुरक्षा योजनामा आबद्ध गर्ने नेपाल सरकारको योजनाको स्वागत गरेको छ ।

एनआरएनका प्रवक्ता भुषण घिमिरले एक प्रेस विज्ञप्ति जारी गर्दै यस योजनालाई निर्णायक तहमा पुर्याइ तत्काल कार्यान्वयन गर्न आग्रह गर्नुभएको छ ।

विज्ञप्तिमा भनिएको छ- ‘सङ्घले विगत लामो समयदेखि उठाउँदै आएका ‘हजारे अभियान’लगायत यससँग सम्बन्धित विषय, सञ्चय कोषसँग भएका सम्झौता र कार्यान्वयनका सन्दर्भमा ध्यान दिनुपर्ने विषयलाई गम्भीरतापूर्वक लिइएको हामीले महशुस गरेका छौँ ।’

सङ्घले यस अभियानले स-सानो पूँजीलाई एकीकृत गरेर राष्ट्र निर्माणका ठूल्ठूला कार्य गर्नसमेत योगदान पुग्ने विश्वास लिएको छ ।