दुर्घटनामा पूर्व सांसदको निधन

-- नेपाली टाईम्स अष्ट्रेलिया ?>

गुल्मी- गुल्मीको मुसिकोट नगरपालिका १ मा जीप दुर्घटना हुँदा पूर्वसांसद रूद्रमणी शर्मा भण्डारीसहित तीन जनाको निधन भएको छ। मालिका गाँउपालिका २ का २६ बर्षिया कौशिला थापाको मृत्यु भएसँगै मृतकको सङ्ख्या तीन पुगेको हो ।

पूर्वसांसद सहित दुईजनाको घटनास्थलमै मृत्यु भएको थियो । मालिका गाँउपालिकाको दर्लिङबाट बुटबलका लागि छुटेको लु १ ज १९५७ नम्बरको जीप बिहान ९ बजे दुर्घटनामा परेको हो ।

दुर्घटनामा परि पूर्व सासंद समेत रहेका धुर्कोट गाँउपालिका ५ वस्तु निवासी रूद्रमणी शर्मा भण्डारी र मालिका गाँउपालिका १ का ओसर विकको घटनास्थलमै ज्यान गएको जिल्ला प्रहरी कार्यालय गुल्मीका सुचना अधिकारी रविन्द्र खड्काले जानकारी दिए । जीप सडकबाट अन्दाजी १०० मिटर तल खसेको छ । जीपमा कुल १० जना सवार रहेको र अन्य सबै घाइते भएको खड्काले जानकारी दिए । घाइतेलाई उद्दार गरि अस्पताल पठाउने काम भइरहेको प्रहरीले जनाएको छ ।