आज अन्तर्राष्ट्रिय मजदुर दिवस

-- नेपाली टाईम्स अष्ट्रेलिया ?>

काठमाडौँ- आज मे दिवस । १३० औं अन्तर्राष्ट्रिय मजदुर दिवस नेपालमा पनि विभिन्न कार्यक्रम गरी मनाईदै छ । विभिन्न राजनैतिक दलसँग आवद्ध मजदुर संगठनहरुले विभिन्न कार्यक्रमहरु गरी मे दिवस मनाउन लागेका हुन् ।

८ घण्टा काम , ८ घण्टा आराम र ८ घण्टा मनोरञ्जनको समयको माग गर्दै अमेरिकाको सिकागो शहर र युरोपका मजदुरहरुले गरेको संघर्षको स्मरण गर्दै आज मे १ तरिखका दिन विश्वभर अन्तर्राष्ट्रिय मजदुर दिवश मनाउने गरिन्छ ।

मजदुरहरुले निकै ठुलो संघर्ष गरेर अधिकार प्राप्त गरेको दिनको स्मरण स्वरुप अन्तर्राष्ट्रिय मजदुर दिवस हरेक साल मनाउने गरिन्छ ।

सन् १८९० देखि यो दिवस विश्वभर मनाउन थालिएको हो । नेपालमा १९६३ देखि मजदुर दिवस मनाउन थालिएको हो ।

अन्तर्राष्ट्रिय मजदुर दिवस परेकाले सरकारले आज देशभर सार्वजनिक बिदा दिएको छ । सरकारले यसअघि नै गरिसकेको निर्णय अनुसार आज देशभर सार्वजनिक बिदा दिएको हो । आज बुधबार शैक्षिक संस्था लगायत सबै सरकारी कार्यालय बन्द रहने छन् । बिदा घोषणा गरे संगै आज देश भरिका शैक्षिक संस्था लगायत सबै सरकारी कार्यालय बन्द रहने छ ।