जानकारी मुलक कार्यक्रम सहित सिड्नीमा अन्तराष्ट्रिय नारि दिबस मनाइदै 

-- नेपाली टाईम्स अष्ट्रेलिया ?>
#EachforEqual#  “म हरेक पिडिमा समानता” का लागि उभिन्छु भन्ने संदेश सहित बिश्वभर मानाउदै गरिएको यस बर्षको अन्तराष्ट्रिय नारि दिबस एनआरएनए ओसेनिया वुमन फोरमले सिड्नीमा एक जानकारी मुलक र प्रश्न-उत्तर अन्तरक्रियाको रुपमा मनाउदैछ ।
गैर आवासीय नेपाली संघ, अन्तराष्ट्रिय समन्वय समिति, ओसेनिया क्षेत्र अन्तर्गत वुमन फोरमकी महिला संयोजक जानकी पौडेलले दिनु भएको जानकारी अनुसार अन्तराष्ट्रिय नारि दिबस कै दिन पारेर आउँदो मार्च ८ तारेखका दिन सिड्नीको बार्दली फंक्सन सेन्टर (1o McFarlane Street,  Merrylands,  NSW ) मा बिहान ११ बजे देखि कार्यक्रमको आयोजना गरिएकोछ ।  नेपाली दुताबास क्यानबेरा, एनआरएनए आइसीसी र एनआरएनए अष्ट्रेलियाका प्रतिनिधि उपस्थिति हुने सो कार्यक्रममा बिभिन्न विधाका अन्य अतिथिहरुले सहभागति जनाउदै बिभिन्न क्षेत्रमा आ-आफ्नो प्रस्तुतिहरु दिनु हुनेछ। कार्यक्रममा ब्यबस्था हुने खाना शुल्कका लागि २० डलर तोकिएको छ ।
उक्त कार्यक्रमका वारे ओसेनिया महिला संयोजकले द नेपाली टाईम्सल अष्ट्रेलियालाई दिनु भएको जानकारी अनुसार समुदायमा भए-गरेका घटनाहरू का वारेमा चासो राख्ने वा बुझ्न चाहनेका लागि तथा भोलीका दिनमा त्यस्ता घटनाहरु लाई न्यूनीकारण गर्नका लागि हामी सचेत हुनु जरुरि रहेकाले बिशेष गरेर हिंसा तथा अपराधजन्य विषयको जानकारीको लागि अबर्न पुलिस कमान्डर, स्थानीय सरकारका गतिबधि तथा काम सम्बन्धि अधिकारका लागि  कम्बरल्याण्ड काउन्सिलर तथा स्टेट सम्बन्धि गतिबिधि साथै उपभोक्ताका अधिकार सम्बन्धि जानकारी तथा अन्य जानकारीका लागि छायाँ मन्त्रि समेतको उपस्थितिलाई एउटै थलोमा ल्याई समुदायमा जनजगरण मुलक कार्यक्रम तय गरिएको हो । साथै यस पटक अष्ट्रेलियाको युनाइटेड नेशन एसोसिएसन समेत उपस्थितिको आशा गरिएको पौडेलले जानकारी दिनु भयो ।
अन्तराष्ट्रिय महिला दिवसको उपलक्ष्यमा गरिएको यो कार्यक्रम नितान्त समुदायलाई  बिबिध जानकारीको लागि केन्द्रित रहेकाले उक्त अवसरमा आफ्नो उपस्थिति जनाई आफ्ना जिज्ञासा मेटाउन, समाज उठानका लागि सहयोगात्मक आधारहरू बुझ्न र अपराध तथा बालहित र अधिकार सम्बन्धि जानकारी लिनु हुन तथा जिज्ञासा राख्नु हुनका लागि उहाँले समग्र  समुदायलाई हार्दिक निमन्त्रणा गर्नु भएको छ । सो कार्यक्रम बारे थप जिज्ञासा र जानकारीका लागि ओसेनिया वुमन फोरम रिजनलकोअर्डिनेटर जानकी  पौडेललाई 0406 039 526  मा सम्पर्क गर्न अनुरोध गरिएको छ ।