अष्ट्रेलियन नेप्लिज जर्नलिस्ट एसोसियसनको प्रथम अधिबेशन सम्पन्न 

हेमन्त काफ्लेको अध्यक्षतामा सर्बसम्मत कार्यसमिति गठन 
-- नेपाली टाईम्स अष्ट्रेलिया ?>
अष्ट्रेलिया भरि छरिएर बिभिन्न यहाँका स्थानिय र नेपालका मिडियामा आबद्द भइ काम गर्दै आइरहेका मिडियाकर्मीलाई एकै छातामा गोलबन्द गर्ने उदेश्यले केहि समय आगाडी गठन भएको  अस्ट्रेलियन नेप्लिज जर्नलिस्ट एसोसियसनको (ANJA ) प्रथम अधिबेशन मार्च ६ र ७ का दिन अष्ट्रेलियाको एडेलेडमा सम्पन्न भएको छ । अधिबेशनले  अष्ट्रेलिया भरि रहेका करिब ४ दर्जन पत्रकारहरु को बिचबाट हेमन्त काफ्लेको अध्यक्षतामा सर्बसम्मत नयाँ कार्य समितिको गठन गरेको छ।
कार्य समितिका अन्य पदाधिकारीहरु मा सह-अध्यक्ष ऋषि अचार्य,  दुइ उपाध्यक्ष निरु त्रिपाठी र सिता रसाइली, महासचिबमा चिरन्जिबी देबकोटा, सचिबमा सरल गुरुङ, कोषाध्यक्षमा कृष्ण तिवारी र सदस्यहरुमा कमल सिलवाल, छत्र शंकर, प्रकाश हुमागाई, खगेन्द्र सत्याल, मिलन दाहाल र सरिता ढकाल चयन भएका छन् ।
दुइ दिन सम्म चलेको प्रथम अधिबेशनमा अष्ट्रेलियाका लागि नेपाली राजदुत मा. महेश राज दाहाल, साउथ अष्ट्रेलियाका बाणिज्यदुत दिपक धमला, भिक्टोरियाका महाबनिज्यदुत चन्द्र योञ्जन, एनआरएनएनका केन्द्रिय उपाध्यक्ष मन केसी, एनआरएनए अष्ट्रेलियाका अध्यक्ष केशब कंडेल लगाएतका व्यक्तित्वहरुले प्रमुख अतिथि र अतिथिको रुपमा सहभागिता जनाउनु भएको थियो।